Ketegal Jaku Orang Tua Beserara - Edmund Indin

suba besulu naka pengeran
enda ulih tagang maya bepangan
endang mutus ati enda ngelengka
chukup penyayau, taja merinsa

nama kabuah diatu udah berubah
nyau lembau nyaut nadai kemerah
gandung perau udah merekah
tebabak tangkir perau pechah

jampat lemi ati laban penguji
jampat tendur kelalu nangi
enda ngipak ka pengeran, ari suba
ketegal jaku orang, berubah tekala nya



jampat pechaya jaku tempa
ketegal jaku orang tua beserara
nuan nyau pechaya ka jaku sida
ti deka ngeruntuh pengerindu tua

nesal nuan ila laban udu pechaya
jaku bula ngasuh belaya
betempap jari sida iya meda
enti pengerindu tua pambar dua

Composer & Lyric by: Jesley Jabu & Matthius Mambang
Music Arranger & Guitar Works by: Cami Tan
Recording Studio: Ranyai Studio
Artist & Producer: Edmund Indin
Publisher: Aka Dambai Production 
Release  : 2022